Tres victorias, tres empates e dúas derrotas foi o balance dos equipos do Grupo Forma-t Vilalba F.S. na xornada disputada esta fin de semana.

O equipo feminino de 2ª División perdeu por 5-1 o derbi ante o Valdetires Ferrol F.S.F. O único gol das vilalbesas marcouno Lara Balseiro. As de Kini e Miloso baixan á sétima posición pero están a dous puntos da promoción de ascenso. O vindeiro sábado ás 17:00 horas recibirán ao filial do Ourense Ontime no Pavillón Municipal de Deportes de Vilalba.

O equipo masculino de 2ª División B empatou 7-7 na pista do I.E.S. Coruxo F.S. Marcaron Kevin Chis (4), Quintela (2) e Dieguito. Os de Kini malia acadar dous empates consecutivos continúan a dous puntos da cabeza da clasificación. O vindeiro sábado recibirán ao Deporcyl Guardo F.S. ás 19:30 horas no Pavillón Municipal de Deportes de Vilalba.

Na Preferente Futgal o filial masculino adiou o seu partido a petición do Emden F.S.

Na Primeira Futgal Feminina o filial “B” venceu á S.D. San Lázaro por 0-3. Marcaron María (2) e Marta. O filial “C” empatou 2-2 na casa ante a S.D. Castroverde. Marcaron Silvia e Sofía.

O xuvenil masculino venceu por 5-0 ao Cabum F.C. Marcaron para os vilalbeses David Rey (2), Pablo Díaz, Martín Rañal e Pablo Rañal.

O cadete feminino venceu 3-1 ao Burela F.S. As de Nuno continúan na segunda plaza da clasificación. Marcaron Lucía Cendán (2) e Laura Varela para as vilalbesas.

O cadete masculino empatou 4-4 ante o C.D. Praias de Barreiros. Marcaron Alain (2) e Míkel (2).

O infantil masculino perdeu 6-2 ante Os Meigallos F.S. “B”. Os dous goles dos vilalbeses marcounos Manu.