Tres victorias e dúas derrotas foi o balance para os equipos do Grupo Forma-t Vilalba F.S. na xornada disputada a pasada fin de semana.

O equipo feminino de 2ª División venceu por 2-4 ao Viaxes Amarelle F.S.F. Marcaron para as vilalbesas Marta Hermo (2), Noe Pires e Paulita. As de Kini e Miloso sumaron tres puntos nun partido moi sufrido que se decidiu na recta final do encontro. O vindeiro sábado recibirán ao Gijón Fútbol Femenino ás 19:00 horas no Pavillón Municipal de Deportes de Vilalba.

O equipo masculino de 2ª División B, na matinal do sábado, venceu por 4-2 a O Esteo F.S. Marcaron Adri (2), Antón e Ismael. Os de Kini gañaron o derbi de proximidade e continúan a dous puntos do líder. O vindeiro domingo viaxarán a Asturias para medirse a La Isla de Siero ás 12:30 horas no Nuevo Polideportivo Pola de Siero.

O xuvenil feminino caeu nos dous partidos que xogou ante o Burela F.S. 0-3 e o Pinturas Grandal Lago Sport 2-3. Marcaron para as vilalbesas María e Leire.

O cadete feminino venceu 4-0 ao Gadesport O Parrulo F.S. Marcaron Laura Varela (3) e Lucía Vilasuso para as vilalbesas. Con esta victoria as de Nuno rematan de maneira brillante a fase regular clasificadas na segunda posición e xogarán as semifinais polo título na pista do primeiro clasificado do Grupo 2 o Enrique y Novás Marín Futsal.