Hoxe, martes 14 de outubro ás 21:00 horas no Pavillón Municipal dos Deportes de Lugo o Grupo Forma-t Vilalba F.S. visitará ao Ribeira F.S. nos oitavos de final da XXXIV Copa Galicia de Fútbol Sala.

Agárdase un partido intenso e emocionante xa que son dous equipos que se coñecen ben. Aínda que o equipo local milita na categoría inferior na súa pista é un rival complicado polo que os de Muri terán que empregarse a fondo si queren seguir na competición copeira e xogar os cuartos de final ante os seus siareiros.

O gañador da eliminatoria terá como rival nos cuartos de final a un dos seguintes equipos: ADC Lugo Sala, Burela F.S., O Parrulo Ferrol F.S. ou o actual campión que eliminou ao equipo vilalbés nos cuartos de final da edición pasada o Portus Apostoli Noia F.S.