O Grupo Forma-t Vilalba F.S. perdeu 2-6 ante o Portus Apostoli Noia F.S. no partido de semifinais da XXXIV Copa Galicia de Fútbol Sala masculina celebrado no Pavillón Municipal de Vilalba.

O equipo de Muri aguantou o primeiro cuarto de partido pero non puido superar a un rival de Primeira División que chegou a Vilalba con gañas de revalidar o título e non deixou opcións de sorpresa. No descanso o resultado xa era dun claro 0-4 e aínda que os vilalbeses intentaron o xogo de porteiro xogador a diferencia xa era insalvable.

Boa entrada no Pavillón Municipal onde @s seareir@s disfrutaron dun bo encontro e viron por segunda vez nos últimos tres anos ao seu equipo nas semifinais de Copa Galicia.

O equipo vilalbés volverá á competición ligueira este sábado ás 19:00 horas na “Rosaleda” ante o Caja Rural Atlético Benavente F.S. nun partido importante para saír dos postos perigosos.