O Grupo Forma-t Vilalba F.S. perdeu 1-3 ante á S.D. Xove F.S. no partido disputado no Pavillón Municipal de Deportes de Vilalba correspondente aos oitavos de final da XXXIV Copa Galicia.

O equipo de Miloso, que repartiu minutos entre os menos habituais volveu a pecar dos mesmos erros que nos partidos anteriores e regalou dous goles antes do descanso. Na segunda parte o equipo vilalbés dominou máis e tivo claras ocasións pero un golazo de Renatinho e a gran actuación do cancerbeiro Edu nos últimos minutos, xogando os vilalbeses con porteiro xogador, fixeron inútil o gol de Antón.

O equipo vilalbés xa pensa no difícil encontro ligueiro que disputará o vindeiro sábado ás 18:30 contra o 5 Coruña F.S. no Pavillón Municipal de Deportes de Vilalba.