O Grupo Forma-t Vilalba F.S. foi premiado na “V Gala do Deporte Vilalbés” celebrada o pasado sábado no Auditorio “Carmen Estévez” de Vilalba.

Mellor club, mellor equipo, mellor adestrador e mellor evento eran as catro categorías nas que estaba nominado o Vilalba F.S. a acadar algún galardón.

Na categoría de mellor equipo triunfou o equipo masculino que acadou na tempada pasada o subcampionato de Liga de Terceira División e no play off acadou o ansiado ascenso á Segunda División B, categoría de bronce do fútbol sala nacional. Recolleron o premio os capitáns Ismael e Antón.

Na categoría de mellor adestrador o galardón foi para “Quini” que a parte de acadar o éxito co equipo masculino acadou o subcampionato de Liga Preferente Autonómica e o título da III Copa Deputación co equipo feminino.