O 12 de agosto comenzaron a adestrar os primeiros equipos do Grupo Forma-t Vilalba F.S. de cara a vindeira tempada 2024/2025 que se antoxa ilusionante logo do ascenso do equipo feminino á 2ª División Nacional e o equipo masculino continuar un ano máis na 2ª División “B”.

O equipo feminino mantén o plantel de xogadoras que acadou o ascenso e incorporou a Alba, Ana, Marta, Paula Baamonde, Paula Rodríguez, Aroa que regresa cedida polo Pescados Rubén Burela F.S. e Lara Balseiro que militaba no Poio Pescamar F.S. de Primeira División.

O equipo masculino continúa ao completo agás Fede e Keita e incorporou a Alonso, Dani e Adri “O mago de Ferrol” que militaba no Parrulo Ferrol F.S. na Segunda División.