Lara Balseiro Candia (Viveiro, 1993) é a gran incorporación do Grupo Forma-t Vilalba F.S. para a tempada 2024/2025 que militará por primeira vez na Segunda División.

A xogadora viveirense conta cunha amplia experiencia e un gran palmarés tras militar máis dunha década na primeira división en equipos coma o Pescados Rubén Burela F.S. no que conquistou todos os títulos posibles, Marín Futsal ou Poio Pescamar na derradeira campaña onde acadou a Copa Galicia.

Esta é a terceira incorporación do Grupo Forma-t Vilalba F.S. despois das porteiras Alba (Concello de Begonte F.S.) e Paula (Lago DVSport) para unha tempada ilusionante e coa súa presenza aportará ao equipo calidade e veteranía.

Grazas por confiar no noso proxecto!!!

Benvida á familia vilalbesa!!!