O equipo xuvenil masculino do Grupo Forma-t Vilalba F.S. venceu na final ao C.D. Laca O Establo por 1-12 no Pavillón Municipal “A Fraga” de As Pontes e acadou o ascenso a Preferente Futgal.

Os rapaces de Ledín non tiveron oposición na final e foron moi superiores desde o comezo do encontro e no descanso xa mandaban por un contundente 6-0.

Marcaron Martín (5), Rego (3), Javi, Alain, Míkel e Corzo para os vilalbeses.

Os vilalbeses quedaron na primeira fase en segunda posición e na segunda fase proclamáronse campións de Liga do grupo lucense. Nas semifinais da fase de ascenso derrotaron ao S.D. Silva Arboco por 10-4 e na final golearon ao C.D. Laca O Establo para lograr o ansiado ascenso que se lles escapara fai un ano na tanda de penaltis da final.

Parabéns rapaces!!!