O equipo senior feminino do Grupo Forma-t Vilalba F.S. conquistou ante A Fervenza F.S.F. o “IX Memorial Francisco Javier González Vázquez” celebrado no Pavillón Municipal de Deportes de Vilalba na tarde do domingo 11 de setembro de 2022.

O equipo feminino do Vilalba F.S. de categoría autonómica realizou un gran partido ante un equipo da segunda división do fútbol sala nacional como é A Fervenza F.S.F. O resultado final foi de empate a tres goles e as vilalbesas estiveron máis acertadas desde o punto de penalti (10-9).

Por encima do xogo e do resultado final, foi unha nova oportunidade de homenaxear a figura de Francisco Javier González Vázquez, unha persoa que traballou polo deporte vilalbés en xeral e polo fútbol sala en particular.