O Grupo Forma-t Vilalba F.S. caeu derrotado por 5-1 ante a S.D. Xove F.S. no partido de oitavos de final da Copa Galicia disputado no Polideportivo Centro Cívico de Xove o pasado martes.

O partido foi igualado e con moitas ocasións para os dous equipos pero a falta de definición do equipo vilalbés e a pésima actuación dos colexiados, (11 cartóns amarelos e catro expulsións para o cadro de Quini) fixeron que o resultado sexa demasiado abultado.

O equipo de Quini xa pensa no partido ligueiro, primeiro da segunda volta, que disputará contra o Sala Ourense este sábado ás 18:30 horas no Pavillón Municipal de Deportes de Vilalba.