O Grupo Forma-t Vilalba F.S. venceu por 2-6 ao Ribeira F.S. no partido de oitavos de final da XXXII Copa Galicia disputado no Pavillón Municipal dos Deportes de Lugo onte pola noite e estará por primeira vez nos cuartos de final da Copa Galicia.

O partido foi igualado na primeira metade chegando ao descanso cun empate a dous goles. Xa mediada a segunda parte o equipo de Quini impuxo o seu ritmo de xogo e acabou goleando ao seu rival. Marcaron Simón (2), Quintela (2), Antón e Ismael.

O equipo de Quini xa pensa no partido de cuartos de final, (esta fin de semana hai parón na Segunda División “B”), que se disputará o vindeiro 1 de novembro en horario aínda por confirmar ante o ADC Lugo Sala no Pavillón Municipal de Deportes de Vilalba.

EMPARELLAMENTOS DE CUARTOS DE FINAL – XXXII COPA GALICIA

IES Coruxo F.S. – Noia Portus Apóstoli
Stellae F.S. Valga – Pescados Rubén Burela F.S.
A Estrada Futsal Inversia Seguros – O Parrulo Ferrol F.S.
Grupo Forma-t Vilalba F.S. – ADC Lugo Sala