O Grupo Forma-t Vilalba F.S. venceu 5-1 ao Reyco Burela F.S.F. no partido celebrado na tarde do sábado no Pavillón Municipal de Deportes de Vilalba cun gran ambiente nas gradas e xa está nos dezaseisavos de final da “Copa de S.M. La Reina”.

O equipo de Kini, na súa segunda participación nesta competición e primeira vez que actuaba como local, non acusou as numerosas baixas e venceu con comodidade no derbi provincial. Marcaron para as vilalbesas, Aroa, Marta Hermo, Myrielen e Claudia Lobo (2). A destacar o debut oficial das xogadoras do equipo filial María Otero, Noelia Lobato e do equipo xuvenil María Barro.

Agora aparcarán a competición copeira agardando un equipo de Primeira División e centraranse na competición de liga que comeza esta fin de semana visitando ao C.F.S. Gran Canaria Teldeportivo.