Mañá, martes 1 de outubro ás 20:30 horas no Pavillón Municipal “A Fraga” de As Pontes o Grupo Forma-t Vilalba F.S. visitará a O Esteo F.S. nos oitavos de final da XXXIII Copa Galicia de Fútbol Sala.

Agárdase un partido intenso e emocionante como todos os derbis de proximidade celebrados nos últimos anos.

O equipo de Quini terá que empregarse a fondo, ante un rival renovado, si queren seguir na competición copeira e xogar os cuartos de final ante os seus siareiros que o ano pasado viron como chegaban ás semifinais quedando apeados por O Parrulo Ferrol.

O gañador da eliminatoria ten como premio nos cuartos de final ao Pescados Rubén Burela F.S. de Primeira División.