Dúas victorias, un empate, dúas derrotas e un partido adiado foi o balance dos equipos do Grupo Forma-t Vilalba F.S. na pasada fin de semana.

O equipo de 2ª División B perdeu 6-2 ante o Caja Rural Atlético Benavente F.S. Os de Quini mereceron mellor resultado pero no derradeiro minuto co porteiro xogador encaixaron tres goles. Marcaron Fede e Quintela. Os vilalbeses rematan a primeira volta nun meritorio quinto posto a sete puntos da fase de ascenso.

Na Preferente Galicia o equipo feminino non pasou do empate 4-4 ante A Fervenza F.S.F. As vilalbesas nun partido para olvidar cederon un empate ante un rival da zona baixa. Marcaron Antía (3) e Paulita.

O equipo de Terceira División non disputou o seu partido por mor da condensación que había á hora do partido no Pavillón Municipal de Deportes de Vilalba.

O equipo xuvenil masculino perdeu 6-5 na pista do Sala Ourense 2014. Os de Nuninho dan un paso atrás na loita pola permanencia. Marcaron Gimeno (2), Anxo, Javi e David Rey.

O filial femenino gañou con máis apuros do previsto ao filial do F.S.F. Castro por 4-2. O equipo de Ledín continúa sumando os partidos por victorias. Marcaron Andrea, Jenni, Antía e Carla.

O equipo cadete feminino gañou a domicilio 2-3 ao Ribeira F.S. Lieders. As vilalbesas suman a primeira victoria como visitantes. Marcaron Laura Varela (2) e Lucía Vilasuso.