Cinco victorias un empate e dúas derrotas foi o balance dos equipos do Grupo Forma-t Vilalba F.S. na xornada disputada esta fin de semana.

O equipo feminino de 2ª División goleou 8-2 ao Viaxes Amarelle F.S.F. no Pavillón Municipal de Deportes de Vilalba. Boa segunda parte das vilalbesas que chegaron ao descanso cun incómodo 3-2 a favor. Marcaron polo Grupo Forma-t Vilalba F.S. Elvi (2), Marta Hermo (2), Noe Pires, Paulita, Aroa e Fanny. Con esta victoria as vilalbesas suman trece puntos de quince posibles nun ilusionante arranque ligueiro. O vindeiro sábado ás 19:30 horas visitarán ao Gijón Fútbol Femenino.

O equipo masculino de 2ª División B venceu 4-7 na pista do Deporcyl Guardo F.S. Os pupilos de Quini tiveron que remontar un 2-0 encaixado nos primeiros minutos de partido e malia as baixas sumaron outra victoria. Marcaron polo Grupo Forma-t Vilalba F.S. Alonso (4), Dieguito (2) e Antón. Con este resultado os vilalbeses fan pleno de victorias nas seis primeiras xornadas de competición e continúan líderes en solitario. O vindeiro sábado recibirán no Pavillón Municipal de Vilalba ao terceiro clasificado Stellae Leis Pontevedra F.S. que está a solo tres puntos polo que se agarda un encontro moi disputado.

Na Preferente Futgal o filial masculino voltou á senda da victoria e impúxose 8-4 ao Fisober F.S. Marcaron para os vilalbeses Amado (2), Johan (2), Nuninho (2), Pelouro e Javi.

Na Primeira Futgal femenina o filial “B” goleou 6-0 á S.D. San Lázaro. Marcaron Miri (3), María, Jenni e Marta. O filial “C” perdeu na pista da S.D. Castroverde por 6-1. O único gol das vilalbesas marcouno Sara.

O xuvenil masculino desperdiciou tres goles de renta e acabou empatando 3-3 na pista do Outeiro de Rei S.D. Marcaron Javi, David e Alain.

O cadete feminino perdeu 4-1 ante o F.S.F. Castro Clínica García Rielo. Marcou para as vilalbesas Laura Varela.

O cadete masculino comezou a competición goleando 8-0 ao Castroverde F.S. Marcaron para os vilalbeses Alain (3), Trastoy (2), Míkel (2) e Ayman.