Dúas victorias, un empate, dúas derrotas e tres partidos adiados foi o balance dos equipos do Grupo Forma-t Vilalba F.S. na xornada disputada esta fin de semana.

O equipo feminino de 2ª División perdeu 2-4 ante o Majadahonda F.S.F./Afar 4. Bo partido das vilalbesas que mereceron puntuar ante o líder que aproveitou os erros para levarse o partido. Marcaron Elvi e Lara Balseiro. Malia esta derrota as de Kini e Miloso rematan a primeira volta como subcampioas de inverno e como equipo revelación da categoría. O vindeiro sábado ás 19:00 horas recibirán ao Save Family Mioño no Pavillón Municipal de Deportes de Vilalba.

O equipo masculino de 2ª División B venceu 8-5 ante o C.D. Juventud del Círculo Católico. Marcaron Kevin Chis (3), Adri (2), Antón (2) e Alonso. Os de Kini continúan na cuarta posición a tres puntos do primeiro clasificado e abren oco co quinto clasificado, o F.S. Salamanca Dehesa Grande que precisamente será o vindeiro rival dos vilalbeses o sábado ás 18:00 horas no Pavillón “La Alamedilla”.

Na Preferente Futgal o filial masculino perdeu ante o Jogafán Ordes F.S. por 5-1. Os de Ismael malia a derrota continúan nos postos de privilexio. Marcou para os vilalbeses Ismael Ruíz.

O filial feminino “B” venceu a domicilio 1-4 a Os Meigallos F.S. Marcaron para as vilalbesas María (2), Miri e Carla González.

O xuvenil masculino adiou o seu encontro co ADC Piringalla por mor da condensación existente no Pavillón Municipal do Palomar.

O cadete feminino empatou 2-2 co F.S.F. Castro Clínica García Rielo. As de Nuno fixeron un gran partido e estiveron a piques de vencer ao líder. Marcaron Candela e Laura Varela para as vilalbesas.

Os cadetes e infantís masculinos adiaron os seus partidos por mor da condensación existente no Pavillón Municipal de Deportes de Vilalba.