Catro victorias, un empate e catro derrotas foi o balance dos equipos do Grupo Forma-t Vilalba F.S. na xornada disputada esta fin de semana.

O equipo feminino de 2ª División comezou a segunda volta cunha victoria por 5-1 ante o Save Family Mioño. Marcaron Pasto (2), Aroa, Lara Balseiro e Marta Hermo. As de Kini e Miloso continúan na segunda posición a dous puntos do líder. O vindeiro sábado ás 20:30 horas visitarán ao filial do Futsi Atlético Navalcarnero no Pavillón “La Estación” de Navalcarnero.

O equipo masculino de 2ª División B venceu 7-8 ao F.S. Salamanca Dehesa Grande. Marcaron Adri (2) Fari (2), Ismael, Antón, Dieguito e Kevin Chis. Os de Kini venceron a un rival directo e xa sacan 11 puntos ao quinto clasificado. O vindeiro sábado recibirán ao C.D. Intersala Zamora Euronics Caja Rural ás 19:00 horas Pavillón Municipal de Deportes de Vilalba.

Na Preferente Futgal o filial masculino perdeu ante o Troula Betanzos F.S. por 2-5. Os de Ismael malia a derrota continúan nos postos de play off de ascenso a 3ª División. Marcaron para os vilalbeses Nuno e Brais.

Na Primeira Futgal Feminina o filial “B” venceu ao filial “C” por 3-0. Marcaron Miri (2) e Carla Boizán.

O xuvenil masculino venceu por 3-2 ao Castro F.S.F. Carne Max. Marcaron para os vilalbeses Ismael Ruíz, Martín Rañal e Pablo Rañal.

O cadete feminino empatou 4-4 ante o Monterroso S.D. As de Nuno continúan na segunda plaza da clasificación. Marcaron Laura Varela (2), Lucía e Sofía para as vilalbesas.

O cadete masculino perdeu 7-0 ante o ADC Piringalla.

O infantil masculino perdeu 2-3 ante o ADC Piringalla Lugopé Podoloxía. Marcaron para os vilalbeses Anxo e Manu.