Cinco victorias, un empate e dúas derrotas foi o balance para os equipos do Grupo Forma-t Vilalba F.S. na xornada disputada a pasada fin de semana.

O equipo feminino de 2ª División venceu por 4-3 ao C.D. Segosala. Marcaron para as vilalbesas Lara, Noe Pires, Aroa e Elvi. As de Kini e Miloso sumaron tres puntos nun partido moi igualado contra un rival directo e sitúanse colíderes. O vindeiro sábado visitarán ao Meigas C.F. ás 19:00 horas no Pavillón de Bertamiráns.

O equipo masculino de 2ª División B perdeu 4-6 contra o C.D. San Cristóbal Automoción Núñez. Marcaron Alonso (3) e Antón. Os de Kini non estiveron atinados de cara ao gol e con esta derrota baixan á terceira posición. O vindeiro venres ás 21:00 horas visitarán a difícil pista do Adamo Xove F.S.

Na Preferente Futgal o filial masculino perdeu na visita ao filial do Lugo Sala por 4-2. Marcou Amado para os vilalbeses. Os de Ismael seguen na metade da táboa clasificatoria.

Na Primeira Futgal Feminina o filial “B” rematou a competición cunha victoria por 6-2 ante Os Meigallos F.S. acadando o subcampionato. Marcaron Jenni (3), Carla (2) e Paula. O filial “C” descansou esta xornada e rematou a competición na oitava posición.

O xuvenil masculino goleou 7-0 ao Rudas Lugo Sala “C”. Marcaron para os vilalbeses Javi, David, Pablo Díaz, Sergio, Alain, Samuel e Martín. Os de Ledín continúan segundos na fase de ascenso.

O cadete feminino na Copa venceu ao F.S.F. Castro Clínica García Rielo por 1-0. Marcou Sofía para as vilalbesas.

O cadete masculino venceu 4-2 ao ADC Piringalla Bar O Cruce. Marcaron David Trastoy, Alain, Míkel e David Souto para os vilalbeses.

O infantil masculino empatou 1-1 co ADC Fonte do Rei Mascovet “B”. Marcou Yago Teijeiro o gol dos vilalbeses.