Tres victorias, un empate e tres derrotas foi o balance dos equipos do Grupo Forma-t Vilalba F.S. na fin de semana pasada.

O equipo feminino de Segunda División venceu 5-2 ao C.D. San Pablo Eivissa. Victoria do equipo de Kini contra o equipo ibicenco para rematar a tempada nun meritorio sexto posto na clasificación. Marcaron Marta (2), Lara, Fanny e Alvite.

Na Copa Primeira Futgal femenina o equipo “B” empatou 1-1 coa S.D. San Lázaro cun gol de María no último minuto. Nos penaltis as lucenses estiveron máis atinadas e privan ao equipo de Miloso de xogar a final.

O equipo xuvenil venceu pola incomparecencia do Cabum F.C. O equipo de Ledín acada o campionato de Liga e agarda as eliminatorias de ascenso a Preferente Futgal.

O equipo cadete “A” venceu ao equipo cadete “B” por 4-1. Marcaron Trastoy (3) e Anxo para equipo “A” e Miragaya logrou o gol da honra para o equipo “B”.

O equipo infantil “A” perdeu 2-3 ante o Castroverde F.S. Marcaron Manu e Nicolás para os vilalbeses. Mesmo resultado acadou o infantil “B” ante o ADC Lugo Sala “C”. Marcaron para os vilalbeses Mateo e Oussama.