GRUPO FORMA-t VILALBA F.S. – O PARRULO FERROL F.S.

O mércores 6 de decembro ás 18:30 horas no Pavillón Municipal dos Deportes de Vilalba o Grupo Forma-t Vilalba F.S. recibirá a O Parrulo Ferrol F.S. nas semifinais da XXXII Copa Galicia de Fútbol Sala.

Agárdase un partido intenso co equipo de Quini con gañas de agradar aos siareiros vilalbeses e chegar por primeira vez a unha final de Copa Galicia contra un equipo situado nos primeiros postos da clasificación de Segunda División e que tamén querrá xogar a final para sumar outro título copero ás súas vitrinas.

O gañador xogará a gran final ante o vencedor da eliminatoria Stellae F.S.-Valga e Noia Portus Apóstoli F.S.