O Grupo Forma-t Vilalba F.S. venceu por un axustado 3-4 ao 5 Coruña F.S. no partido de dezaseisavos de final da XXXIII Copa Galicia disputado no Pavillón Novo Mesoiro da capital herculina e clasificouse para a seguinte rolda.

Empezou o partido ben para os vilalbeses que se adiantaron no marcador con dous goles pero o equipo coruñés logrou empatar antes do descanso. Na segunda metade volveron coller vantaxe os de Kini pero de novo o equipo local volvía a empatar. Finalmente un gol a falta de 5 minutos deulle o pase da eliminatoria ao equipo vilalbés que non o tivo nada fácil ante un gran equipo. Marcaron para os vilalbeses Quintela, Antón, Kevin Chis e Fari.

O encontro de oitavos de final será contra O Esteo F.S. no Pavillón “A Fraga” de As Pontes no que se prevé un derbi de proximidade moi emocionante.